金马奖影后洁癖严重,3年内辞退20位工人

不少艺人都因为工作繁忙，而需要聘请家务助理为佢哋打点屋企嘅一切，不过要聘请到一位适合自己嘅工人都并非容易嘅事。近日有传内地女星李冰冰原来有非常严重嘅洁癖，即使用高价$12万都未能够聘请到家务助理！

金马奖影后李冰冰凭精湛嘅演技以及有气质嘅外表红遍亚洲，仲进军荷李活成为国际影星，事业发展可以话係一帆风顺！唔少网民对李冰冰嘅印象都係非常平易近人，事关佢曾经以嘉宾身份上内地真人骚《嚮往的生活》时，好快就同主持人们打成一片，再加上节目于农场拍摄，就更加令网民觉得佢俾人感觉非常「贴地」～

不过李冰冰其实有非常严重嘅洁癖，就算用高薪$12万聘请家务助理都未能搵到合适嘅人选。有传佢仲曾经喺3年内换走咗20位家务助理，要求超高嘅佢仲会亲自为佢哋面试进行考核，并且确保家务助理要跟足佢嘅标准去打扫先会受聘！

据悉曾经有位女生接受考核时，单单係洗菜就已经洗咗8次咁多，洗到连菜叶都已经烂嘅程度。但李冰冰依然表示不满，仲一下子将所有菜扔去垃圾桶入面，批评佢洗菜唔够乾淨！

应徵者当时就十分困惑，询问李冰冰「正确」嘅洗菜方法。李冰冰随即话洗菜嘅时候，必须戴上手套否则病菌会黏係菜上面，就算点洗都係徒劳无功！而佢仲话洗完嘅菜就要尽快烹煮，因为菜长期暴露于空气之中，就同冇洗过一样。

其实李冰冰对洗菜嘅执著都曾经喺节目中显露过出嚟：拍摄节目《嚮往的生活》时，佢就多次主动话要负责洗菜，仲暴露自己用盐水洗菜嘅习惯；而且佢认为洗菜过程太草率，将菜清洗咗好几遍，令人不禁惊叹佢对食物卫生嘅要求真係好高！

李冰冰除咗注重食物卫生之外，当然亦好注重家居嘅清洁程度啦！每个到访佢屋企嘅朋友都必须戴上鞋套，想坐佢屋企嘅梳发之前都要舖好卫生坐垫先；而长头髮嘅客人就一定要将头髮绑起，以免头髮掉落喺地垫上！睇嚟做得佢朋友都要顶得住佢嘅严重洁癖先得喇～

预览时标签不可点收录于话题#个上一篇下一篇

下一篇文章：没有了